๑...ลำเต้ยฮักการอ่าน
ภูมิใจกันแล้วนะหรือๆที่ใครเขาลือว่าไทย
อ่านหนังสือไม่ได้ชั่งไม่ไหวจริงๆ
เด็กไทยชายหญิงอย่าได้ประวิงเวลา
อยากรู้วิชาต้องฝึกต้องฝนบทเรียนๆ
เมื่อเกิดมาเป็นคนไทยก็ต้องสนใจรักการอ่านเขียน
ทั้งนอกและในโรงเรียนต้องหมั่นพากเพียรขยันอ่าน
รับฟังข่าวสารทุกวันเวลาๆ
MP…CD บรรเลงอย่าฟังแต่เพลงครื้นเครงหนักหนา
ฟังข่าวบ้างนะหนูนาๆเสาะหาวิชาหาความสนใจ
เพื่อนำไปใช้ดำรงชีวิน
หนูน้อย หนูต้อย หนูติ๋ม อ่านหนังสือพิมพ์บ้างซี
หมั่นศึกษาวิธีทำขนมนมเนย
อยู่ว่างอย่าเฉยฝึกให้เคยทดลองทำ
มีจิตสำนึกสร้างทำไม่ต้องถลำลงกรุงๆ...
เมืองกรุงมันเหยิงมันยุ่งๆ
ป้าลุงฮู้แล้วบ่บอกกันต่อแน่เด้อพี่น้องวอนเว้าสู่ฟัง
ว่าความหวังไทยนี่ให้ประชาชีนั่นขยันอ่าน
ฟังข่าวสารทางการบอกแจ้งแถลงเว้าอยู่ซูวัน
นั่นแหละนาคนงามนา...หนาเลาคิงกลมเอ๋ยๆ

๒. ลำกลอนภาษาไทยเชิญมาเยี่ยมสมเด็จพิทยาคม
ฟังเด้อเจ้าอีแม่เข้าขี้หนอน
การจัดตัวอักษรทั้งสี่สิบสี่
เฮาต้องแบ่งหน้าที่ตามหมวดตามกอง
ได้จำใส่สมองการเฮียนการฮู้
แบ่งออกเป็นสามหมู่ กลาง ต่ำ และสูง
อักษรกลางจ่าฝูงตัว ก ขึ้นก่อน
ผันคำตายอ่อนๆมีอยู่ห้าคำ
อักษรสูงมีนำขึ้นโต ข ไข่
ฟังแล้วเอาใจใส่คำตายมีสาม
อักษรต่ำตายสามคือสูงบ่แปลก
ขั่นสิแยะสิแยกสะกดการันต์
ภาษาไทยสำคัญกว้างไกลในที่
ซุมมะลิดปิดปี่คำเว้าคำจา
นับว่าเป็นภาษาสำคัญกว่าหมู่
เอาอักษรเฮียงคู่อ่านออกเป็นเสียง
เอาโต ทร เฮียง เป็น ซ ยามอ่าน
ว่าแต่ตาเฮาผ่านฮู้ได้ทันใจ
โรงเรียนหนูนี่กะอยู่บ่ไกลไทยสมเด็จพิทฯ
เชิญชวนอ่านชวนพิศติดเขตภูพาน
เป็นศรีแห่งอีสานสวยงามมากๆ
หมู่เฮาสิขอฝากคำเว้าคำจา
เชิญพี่น้องเฮามาเยี่ยมยามลองเบิ่ง...แนเด้อท่าน.

๓. ลำกลอนสมเด็จพิทยาคม
เว้าพื้นโรงเรียนหนู บ่ ไกล บ่ ใกล้
ฮู้จัก บ่ซาวไทยทางขึ้นภูพาน
ขอเชิญทุกๆท่านมายามมาแว
ลองมายามเบิ่งแนโรงเรียนของเฮา
นักเรียนกะ บ่เขลาเป็นคนฉลาด
คุณครูกะสามารถในเรื่องการสอน
ภูมิทัศน์ออนซอนไปมาหาซู
บริหารแยกแยะกลุ่มวิชาการ
มีแต่ผู้ชำนาญการเฮียนการฮู้
สมเด็จพิทฯน่าอยู่พื้นที่สีขาว
กะเลยอยากให้เฮาไปยามไปเบิ่ง
ผอ.อยู่วางเคิงต้อนฮับปราศรัย
ครูสอนภาษาไทยอังกฤษฝรั่ง
เพราะฉะนั่นเฮาจังขึ้นหน้าขึ้นตา
ภาษาไทยนั่นหนาคำปากคำเว้า
บ่ คือคนรุ่นเก่า สะกดการันต์
ตัวสระคือกัน อะ อา อิ โอ
นักเรียนกะ บ่โง่ ล ลิง ร เรือ
สระ เอียะ สระ เอีย เว้ากันถูกต้อง
เว้าถูกหมดทุกซ่อง สระเอือะ สระ เอือ
เมือ กะบ่เป็น เมีย จริงจังจังว่า
นั่นละนาท่านนาสมเด็จพิท...ศิษย์ขยันเอ้ย.